المساعد الشخصي الرقمي

مشاهدة النسخة كاملة : احلام ما بعد الاستخاره

العيون الخضر
15-11-2009, 06:48 PM
انا كتير بحب الشعر الطويل
وحلمت اني كنت عند بنت خالتي المتزوجه وبتحكيلي انه الناس بحكوا على شعري انه حلو كتير
وكان شعري في الحلم كتير طويل واشقر صرت اصلي عالنبي وصارت ماما تقرالي قرآن عليه وتصلي عالنبي لحتى ما ينحسد

بعدين حلمت اني كنت بتوضى عشان اصلي وفجاه صحيت وما فهمت شي من الحلم

ممكن تفسرولي اياه
cabal
15-11-2009, 07:58 PM
يبدوء من حلمك ارتباط اوعلاقة بشخص ما ربما خطوبة او علاقة حب لكن قد لاتكمل والله اعلم
العيون الخضر
15-11-2009, 08:07 PM
بس انا مخطوبه من سنه وشهر تقريبا
سيد المدينة
15-11-2009, 08:13 PM
شعر الراس اذا طال فهو سعادة وعز وجاه وطول عمر للرائي
ويدل شعر الراس على الزوج للعزباء
وتغيير لون الشعر في الرؤيا يدل على رجل فان كان اسود فهو رجل متدين وان كان اشقر فهو بالعكس
واعتقد ان تفسير رؤياك هو كلام وزواج مقبل ان كنت عزباء
والله اعلم
العيون الخضر
15-11-2009, 08:16 PM
يسلمو
جزاك الله خيرا
العيون الخضر
24-11-2009, 03:18 PM
مرحبا كيفوا
بتمنى تفسير حلمي وهو

اني كنت في البيت وعم بتفرج من شباك غرفتي وشفت القمر حجمه كبييييييير كتير وقريب كتير مني بعدين صار يدور حولين بيتنا وصرت اركض من شباك لشباك واقول لاهلي اليوم ليلة القدر وكان القمر عم يضحكلي وحلو كتير بعدين رجع عند شباك غرفتي وابتسملي ابتسامه عريضه وكنت كتير مبسوطه وبعدين رفعت ايدي للسما وصرت ادعي وهو قدامي

شو التفسير
cabal
24-11-2009, 04:40 PM
تتواصلى مع شخص وتاملى فى الارتباط به والله اعلم
العيون الخضر
25-11-2009, 02:01 PM
بس انا مخطوبه
العيون الخضر
04-12-2009, 11:53 PM
مرحبا كيفكن

حلمت اختي فيني اليوم انها كانت عم تمشطلي شعري وكان لونه ابيض (شايب) وصارت تسألني ليش شعرك ابيض حكيتلها من الخوف وبسسس

بتمنى تفسير حلمي بترجاكن
العيون الخضر
05-12-2009, 04:06 PM
بلييييييز تفسير حلمي ضروري
العيون الخضر
05-12-2009, 05:30 PM
????
يا وطن
06-12-2009, 07:28 PM
اذا كنتي في مقتبل العمر قد يصيبك هموم واحزان
اما اذا كنت كبيرة في العمر دليل عز ووقار و رجاحة عقل و اتزان
الله اعلم
دعواتكم
العيون الخضر
23-03-2010, 06:24 PM
مرحبا كيفكون

حلمت اليوم اني كنت بوزع حلو عنا في البيت عن روح بابا الله يرحمه بعدين غطيته في محارم حتى ما يتلوث
وبنفس الليله حلمت اني كنت قاعده بين قرايبي وكل دقيقه بيجيني قالب جاتو بجنن وبشهي بس ما بعرف من وين وكل ما يجي واحد آكل منه قطعه صغيره لحتى صار عندي شي 6 قوالب بعدين طلعت على بنايه ودخلت شقه لقيت اخواتي فيها وحكيتلن بدي اوزع من هاد الجاتو واطعمي قرايبي لانه صاروا يتطلعوا علي ليش ما طعميتن وبلشت اقطع الجاتو واحطه في صحون وساعدوني اخواتي وقسمت جاتو كتيييييييير اكتر من 100 صحن
بعدين صحيت من النوم

بتمنى انكن تفسرولي ياه
حلمت هاد الحلم بعد ما صليت صلاة الفجر
العيون الخضر
27-03-2010, 02:39 PM
يا ريت تفسرولي حلمي لاني حلمت حلم تاني غريب وخايفه منه

حلمت اني كنت بغرفتي بشوف في ملابسي بعدين رحت ع تختي لحتى نام وفجاه كأني اتخدرت ارتميت عالتخت بعدين حسيت بوجود اشخاص جمبي قاموا المخده من تحت راسي وكنت شبه نايمه ونعسانه كتير صرت احاول اقوم وابعدن عني رغم اني ما كنت شايفتن بس حاسه بوجودن ردوا رجعوا نيموني عالتخت ورفعوا عن بطني وشخص لمس بطني جهة اليسار بأبهامه متل كأنه مسحلي عليه مسح وبعدين راحوا وقمت وما فيني شي بس كنت خايفه كتير وحسيت اني كنت مشلوله
برضو حلمت هاد الحلم بعد ما صليت الفجر

يا ريت تساعدوني لاني بجد خفت كتير منه هاد الحلم
روحانى مصرى
27-03-2010, 02:52 PM
يا ريت تفسرولي حلمي لاني حلمت حلم تاني غريب وخايفه منه

حلمت اني كنت بغرفتي بشوف في ملابسي بعدين رحت ع تختي لحتى نام وفجاه كأني اتخدرت ارتميت عالتخت بعدين حسيت بوجود اشخاص جمبي قاموا المخده من تحت راسي وكنت شبه نايمه ونعسانه كتير صرت احاول اقوم وابعدن عني رغم اني ما كنت شايفتن بس حاسه بوجودن ردوا رجعوا نيموني عالتخت ورفعوا عن بطني وشخص لمس بطني جهة اليسار بأبهامه متل كأنه مسحلي عليه مسح وبعدين راحوا وقمت وما فيني شي بس كنت خايفه كتير وحسيت اني كنت مشلوله
برضو حلمت هاد الحلم بعد ما صليت الفجر

يا ريت تساعدوني لاني بجد خفت كتير منه هاد الحلم

الأخت العيون الخضراء ..هذا الاخير هو نوع من الحضور الفعلي وهو يكون بين اليقظة والنوم وتكونين مسلوبة الارادة ولا تستطيعين الرد أو الدفاع عن نفسك وهو ما يسمونه أحيانا بالجاثوم..ربما تكونين مصابة بعلة روحية وهو غالب ظني فاعرضي نفسك علي راق أو ادخلي احدي غرف الكشف بالمنتدى للتأكد من ذلك.خالص ودي
العيون الخضر
27-03-2010, 04:05 PM
يسلمو اديك
بس فيك تساعدني اكتر ؟
العيون الخضر
01-04-2010, 12:36 PM
مرحبا كيفكن
بعرف غلبتكن معي
بس بصراحه من وقت ما اتوفى البابا من شي 50 يوم وكل ما شوف حلم بيتفسر
حلمت في بابا ومات وحلمت في صديق اخي ومات وحلمت في عم امي ومات

مبارح حلمت اني كنت بحفله راقصه وكنت لابسه لبس حلو وعم برقص فسرته للحلم طلع انه بشير مرض الله يستر لاني تعبانه كتير من معدتي ويوم الاحد رح ادخل المشفى لاعمل منظار لمعدتي

والليله حلمت انه اجوا عنا ضيوف ام وبنتها والبنت عروس وبدها تتزوج وجابت معها بدلتها البيضه لنشوفها وقعدنا نتفرج عليها بعدين حضرنا الاكل وبلشنا ناكل احنا والضيوف بس ما كان في الاكل لحوم كان في لبن
بس من وقت ما وصلوا الضيوف وانا افتح خزانتي واغير لبسي كل شوي البس لبسه جديده حتى واحنا قاعدين نتغدى العروس كانت مو منيحه معي وتتطلع علي نظارت مخيفه حكيت لبنت خالتي مالها هيك مو منيحه فسمعتني العروس وبتحكيلي ايه انا مو منيحه وجلفه بطريقة كلامي


بتمنى تفسيره
اسفه لاني طولت عليكن
الخفاجي
01-04-2010, 05:33 PM
أختي الكريمة حلم كنتي في حفلة راقصة الخ 0000فهذا يدل على انك سوف تحضرين مأتم ما أو تشاركين ناس بهمهم او غمهم وسينالك هم او غم أو حزن من ذلك
والحلم الاخر فهذا يدا على ان ايام الحزن والهم ستجلي وتذهب عنكي باذن اله وستكون الدنيا معكي منيحة زي ما كانت سابقا ودمتي بالف خير
العيون الخضر
01-04-2010, 05:49 PM
الله يطمن البك يا رب
غسان حسن م
12-04-2010, 04:55 AM
أختي الكريمة : انتي مقصرة بواجباتك الدينية بشكل كبير وهنالك نذر من قبلك او من قبل احد افراد عائلتك لك لم يتم الوفاء به والفتاة التي رايتها تلبس الابيض صالحة. هذا والله أعلم
العيون الخضر
22-04-2010, 04:04 PM
بالعكس انا كتير صرت اقرب من الله واقوم بواجباتي
ما بترك صلاه ودايما بدعي وبقرا قرآن
وبخصوص النذر والله ما عندي علم بهيك شي

يسلمو اديك غسان
العيون الخضر
22-04-2010, 04:14 PM
مرحبا كيفكون

انا يا جماعه ساءت الاحوال بيني وبين خطيبي بس لحتى ما اظلمه عم ببيت استخاره انه ازا تركته رح يكون خير الي او لا
وصرلي اربع ايام ببيت استخاره واول يوم بعد تبييت الاستخاره حلمت في بابا الله يرحمه عطاني ولاعه (قداحه) كلها مرصعه بالذهب والالماس والاحجار الكريمه وكان مبسوط ومو زعلان بالمره
وتاني مره بصراحه ما حلمت شي بس نفسيتي كانت ممتازه ومبسوطه
وتالت مره حلمت في صديق اخي كان هو واهله عنا قام ناداني ابوه للشاب بيحكيلي انتي مخطوبه حكيتله ايه بس رح اترك خطيبي وكان مبسوط كتير بحكيلي ممتاز لانه بدنا نخطبك لابننا
ورابع مره حلمت في بابا برضو انه كنا عند بيت اخي وكان مليان ناس هناك وكنا مبسوطين وشفت فنان وسلمت عليه وكنت فرحانه بس بعد شوي ما بعرف كيف شفت حالي عالتخت وانا حامل وبحكي انا مو خايفه من الولاده رح اتحمل الوجع رغم اني ما بعرف لمين الولد ومين ابوه
ما بعرف شو هالخربطه انا بنت وكيف حلمت هيك

وكمان بنفس اليوم حلمت اني كنت في بنايه وكان في كتير قصف وضرب وحرب وضفت القذيفه اجت لجمبي ورمتني من البنايه للارض بس ضليت عايشه وصرت اهرب من الجيش ومن مكان لمكان لحتى اخر شي شفت بنت ما بعرفا عم تبكي رحت ركضت عليها وصرت ابكي معها واتخبينا سوى

بس اللي مخوفني اني كمان بنفس اليوم حلمت في حدا ماسك اجري ورافعهم لفوق وكانه كان بده يربطهم في السقف وكان بحرك فيهم يمين وشمال وكانه قاصد يفيقني من النوم وكنت حاسه الدم اتخدر باجري فقمت مرعوبه رغم اني ما شفت مين هالشخص

بترجاكون ساعدوني كتير خايفه من اخر حلم لانه حسيت انه مو شخص عادي كانه جن
العيون الخضر
22-04-2010, 04:28 PM
ايه وفعلا صابني هم وحزن
بعد هداك الحلم بفتره اتوفى ابي
يسلمو اديك
اخت منى
29-04-2010, 02:52 PM
اعتقد عندك اوجا س وخوف من الخطيب وانك تري عيوبه بوضوح -البابا بشجعك على تركه وانك ستسعدي باالبعد عنه والله عز وجل سيعوضك عنه-آخر جزء من حلمك يظهر المخاوف والقلق عندك لا اكثر توكلي على الله واصنعى الذي يرضي الله -ومن يتقي الله يجعل له مخرجا
اخت منى
29-04-2010, 02:59 PM
اعتقد عندك اوجا س وخوف من الخطيب وانك تري عيوبه بوضوح -البابا بشجعك على تركه وانك ستسعدي باالبعد عنه والله عز وجل سيعوضك عنه-آخر جزء من حلمك يظهر المخاوف والقلق عندك لا اكثر توكلي على الله واصنعى الذي يرضي الله -ومن يتقي الله يجعل له مخرجا

و يرزقه من حيث لا يحتسب والحمد الله رب العالمين
العيون الخضر
30-04-2010, 10:47 PM
يا حبيبتي انتي
بجد ريحتيني
الله يحميكي ويوفقك يا رب
اخت منى
01-05-2010, 01:39 PM
اختي العزيزه الفضل لله اعشق كل فلسطين والي فيها -
اخت منى
02-05-2010, 07:55 AM
هل تواصلين تعلميك هل انت في الجامعه ام ان هناك اختلاف وجهات نظر وآراء مختلفه عندك -او انك ستتجاوزي وتتخطي المتاعب التي تواجهينانها
العيون الخضر
03-05-2010, 01:57 PM
تسلميلي يا رب
شو مزوئه
العيون الخضر
03-05-2010, 04:22 PM
مبارح حلمت اختي انه كان عنا بابا الله يرحمو في البيت وكان زعلان كتير ومتدايق واكل وكان اخي عم ياكل معو بعدين انا كنت في عرس انا وامي ورجعت صار اخي يصرخ علي بحكيلي ايمتى خلعتي حجابك وصرتي تلبسي هيك لبس متل القرف وانا صرت احكيله من فتره وكان متدايق مني لاني خلعته وما عجبه الموضوع بعدين بابا كان يتناقش مع اختي الصغيره وصرخ عليها وراح

بعدين حلمت انه كانت هي وكل اهل بلدتي لابسين اسود وواقفين بالشارع وكان بابا معهم والكل خايفين وبيحكوا متل في مصيبه

وماما حلمت نفس حلم اختي انه كانوا كل اهل بلدتي واقفين بالشارع وبيحكوا كانوا في مصيبه ووكانوا الزلام يعلقوا صور لشخص امي ما شافته وبابا كان معهم
بتحكيلي كانه حدا ميت بعلقوا بصوره وبابا عم يعلق معاهم بالصور
اخت منى
04-05-2010, 12:02 PM
مرحبا تفسير المنام انك رح تطلعي من ماذق لبس الاسود ريايسه اذ كنت متعوده على لبسه زي العبايات اخوك متدايق عشا نك شو صار معك موضوعك مع خطيبك-حبيبتي انا حاب اتعرف عليكي بس تيجي بنتي من الجامعه بدي اسالك في اي منطقه في فلسطين ساكنه انت بتدرسي احنا تقريبا قريبين من منطقه فلسطين قريبين من اريحا في من منطقه الاغوار نسكن اسمها الكرامه
العيون الخضر
04-05-2010, 06:23 PM
الله يسمع منك حبيبتي
يا عمري بعتلك عالرسائل الخاصه ايميلي مشان نتواصل
العيون الخضر
14-05-2010, 03:12 PM
مرحبا
حلمت اليوم بعد صلاة الفجر اني كنت نايمه واجى شخصين لابسين اسود قعد واحد على يميني والتاني على شمالي بس ما شفت وجوههم بس قعدوا جمبي خفت كتيير قرب واحد منهم علي وحكالي ولا يهمك يا بنتي الي بدك ياه بصير وهو يحكيلي هيك صرت اقرأ قل هو الله احد واحاول ابعد عنهم بس كانوا ماسكين فيني وعم يرفعوا اجري للسقف وصحيت من الحلم وانا اقرأ سورة الاخلاص

وبنفس اليوم حلمت انه في شخص خطفني واطلق علي رصاص وكلو في بطني وحسيت بالوجع وشفت الدم وكمان خطفوا امي وربطوها عالشجره وصرت ابكي على امي بعدين رموني بعيد عنها وفجأه شفت بابا الله يرحمو انقذ امي واخدنا عالمشفى

بتمنى تفسرولي ياه
الله يوفقكون
يا وطن
29-05-2010, 10:54 AM
بجد الحلم الثاني ينفع اكشن هههههه
رؤياك على خير انتي و الله اعلم تتمني و تنتظري حدوث شئ ستحقق المأمول و الاثنين هما حيسعدوكي في مرامك
اما اطلاق الرصاص فهو يرمز الى الكلام السيء بحقك و حق امك و هناك من يدافع عنكم
الله اعلم
دعواتكم
الشيخ ادريس
22-06-2010, 03:32 AM
السلام عليكم الى الاخت العيون الخضر عليك في قراء سورة الاخلاص 100مرة قبل النوم على 7 ايام وان شاء الله خير لكي عن قربيا
كميل
22-06-2010, 06:13 AM
الاخ السائل
تصدق قبل كل شئ
واقرا هذا الدعاء اذا رايتم مثل هذه الرؤيا 3 مرات
اعوذ بالله مما استعاذ به ملائكة الله المقربون وانبيائه والمرسلون وعباده الصالحون من شر هذه الرؤيا وتنفث على يسارك 3 مرات



اذا انتم مازلتم تشكون من الم او وجع فعليكم بالكشف
الورد في الاكمام
25-07-2010, 10:36 AM
السلام عليكم ورحمة الله وبركاتة
اختي العزيزه العيون الخضر
هذا حلم وليس(رؤيا) بعد صلاة الفجر النوم مكروه الا بعد طلوع الشمس يعني هذه ليس رؤيا للتفسير انه حلم من الشيطان
اطمني ما في شي الرويا لها شروط
واذا كنتي ممن ينام بعد صلاة الفجر وتحلمين كثير فتحصني باية الكرسي قبل النوم
تحياتي
You can see links before reply (You can see links before reply)