أنت المسئول.. عن حياتك
==========
حاسس أنك عايش فى مستنقع من الماء الاسن وكل ماتيجى ترفع رأسك تلاقى حاجة خبطتك فى دماغك ونزلت مرة تانية فى المستنقع ..
مافيش حاجة خارجية عملت فيك هذا الضرر كل شىء من صنع يدك ... بذرة زرعتها فى وعيك وترعاها ..
ربنا مابيتعسش حد دماغك هى اللى تعباك وتغلق عليك الابواب والطرق المفتوحة .. أزاى حد بيتعس نفسة .. ؟
أيوة كتير .. بنسمع الكلام ده كتير
مافيش فايدة هأفضل طول عمرى كدة فقير
أنا حاسس النهاردة هيبقى يوم صعب
تعبت كتير وكانى بحفر فى بئر ليس تحتة ماء
.. أنا على طول مريض .. أنا نجمى خفيف بتحسد من اى حد .
والأمثلة كثيرة ..
لى صديق كان يشتكى من التعب والأرهاق وفجأة سمعت صوت هاتفة النقال ينشر اغنية دينية مطلعها .. يارب انا تعبان لاأتذكر باقى الأغنية .. قلت له ماهذا .. قال لى .. هذا منبة يوقذنى فى الصباح .. قلت لة لازم تشتكى من التعب والأرهاق أذا كنت بتستيقظ على .. يارب أنا تعبان فى اللحظات التى يكون فيها عقلك الباطن مازال مسيطرا على وعيك .. طبعا دى حاجة بسيطة ومش مقصودة ولكن ضررها عظيم على جسدك
طيب واحد بيقول كما تدين تدان .. وقانون الكارما وشيئا من هذا القبيل .. طبعا زى ماقولنا لما تريد التغيير والخير لحياتك ربنا مش هيقفل الباب فى وشك .. المهم السلوك بنية سليمة
أبن شيخ المنافقين عبد الله بن سلول كان من الصحابة المقربين
شهيدة العشق الألهى رابعة العدوية كانت فى نصف حياتها الأول غانية ..الكثير من العباقرة كانو فاشلين فى دراستهم .. الكثير من الناجحين ذاقوا طعم الفشل .. الكثير من المليونيرات عاشوا حياة البؤس والفقر المدقع وطبعا الامثلة كثيرة
طيب اساعدك على التغيير
هنبدأ من الداخل من عقلك الباطن هنزيح الأفكار السلبية ألى غير رجعة ونحط محركات قوية تحرك حياتك للافضل
علشان أحنا مسلمين وعايزين ربنا يكرمنا ويمدنا بمددة الذى لاينفذ وتأكيدا للنية نصلى ركعتين بنية التوفيق ونصلى على النبى ولو مائة مرة وماتيسر من القرأن
الموضوع مش محتاج غير خمس دقائق قبل النوم ومثلها قبل أن تقوم من نومك .. ونردد هذا الأيحاء ونعيشة
أنا مسئول عن حياتى مسئولية كاملة واسيطر على الأمور وأواجهها بشجاعة وجدارة
أنا قادر على تغيير حياتى للأفضل
حياتى رائعة ومنسجمة مع الاخرين
فى كل يوم وفى كل اتجاه اتقدم أكثر وأكثر
......................................
ولو عرفت توفق أية أو حديث أو ذكر معين يبقى أحسن المهم تستشعر ماتريدة فى حياتك .. وأهرب من أى فكر سلبى يوسوس لك من الداخل أو الخارج
دومتم لنا سعداء رائعين
وألى لقااااء